Satyajit Ray

Satyajit Ray সত্যজিৎ রায়
Satyajit Ray in 1955
Gebore	(1921-05-02)2 Mei 1921 Kalkutta, Brits-Indië
Sterf	23 April 1992 (op 70) Kalkutta, Wes-Bengale, Indië
Nasionaliteit	Indië
Alma mater	Universiteit van Kalkutta
Beroep	Direkteur, produsent, draaiboekskrywer, lirikus, komponis, kalligraaf, illustrator, Skrywer
Eggenoot	Bijoya Ray (1949–92)
Kinders	Sandip Ray (seun)
Ouer(s)	Sukumar Ray en Suprabha Ray

Satyajit Ray (Suiwer Bengaalse naam: luister (hulp·inligting) Shottojit Ray সত্যজিৎ রায়; Kalkutta, 2 Mei 1921 – 23 April 1992) was 'n Bengaals-Indiese filmvervaardiger.

Ray is in die Bengaalse stad van Kolkata gebore. Hy was 'n lid van 'n Bengaalse familie wat prominent in die literatuur en kuns was. Ray het aan die Presidency College en aan die Visva-Bharati University gestudeer. Die inspirasie vir Ray om films te maak, was 'n ontmoeting met die Franse filmvervaardiger Jean Renoir, en die Neorealistiese Italiaanse film ladri di biciclette.

In 1955 debuteer Ray met die film Pather Panchali. Hierdie film is op 'n gelyknamige roman gebaseer, en dit was die eerste deel van Ray se Apu-trilogie. Pather Panchali het 11 groot internasionale pryse ontvang, soos Best Human Document op die Cannes-filmfees.

In totaal was Satyajit Ray die regisseur van 37 films, waaronder lang- en kortfilms, asook dokumentêre films. Benewens sy werk as 'n filmvervaardiger was Satyajit Ray ook 'n skrywer van fiksie, uitgewer, grafiese ontwerper en filmkritikus. Hy het ook musiek vir sy eie films saamgestel.

Ray het in 1992 'n Academy Honorary Award ontvang en het daarna verskeie ander internasionale pryse ontvang.